2019 წლის ტენდენციები
მოვარდისფრო ოქროსფერი , ე . წ subway tiles და თავისუფალი განათება 2018 წლის ტრენდებს წარმოადგენდნენ , 2019 წელს ახალი ტენდენციები მოყვა : დეკორატიული ქსოვილები , მოდური , ძველი ავეჯი და ნივთები თანამედროვე შტრიხებით . 2019 წელი საინტერესო იქნება დიზაინის თვალსაზრსით.
artisanal fixtures (არაფაბრიკული ფიქსირებული სანათები )
ხავერდის ელემენტებთან ერთად , შესამჩნევია , რომ დიზაინერები ხშირად იყენებენ ადგილობრივი ხელოვანების ან მცირე საწარმოების მიერ დამზადებულ ელემემნტებს , განსაკუთრებით კი , სანათებს , რასაც ტექნოლოგიური სამყაროსგან ფოკუსი ბუნებრივ სამყაროზე გადააქვს .
ნატურალური ელემენტები
2019 წლის ინტერიერებში ბუნებრივი მასალები : ქვა , სპილენძი , ბეტონი და გრანიტი გამოიყენება , ეს ელემენტები ნებისმიერ სივრცეს უფრო ორგანულს ხდის .
ხავერდის ავეჯი
ხავერდი უპირობო ლიდერია 2019 წლის ტენდენციებში . მიუხედავად იმისა , რომ აქამდე ეს ქსოვილი ძველმოდურად ითვლებოდა , დღეს ის დიზაინერების რჩეულია თავისი საინტერესო და მდიდრული შეხედულების გამო .
ყვავილებიანი ქსოვილები
ეს ტენდენცია არც ისე ახალია , თუმცა ამ წელს დიზაინერები გვირჩევენ უჩვეულო პროპორციების , კონტრასტული ფერების გამოყენებას .
სპილენძის აქცენტები
მოვარდისფრო ოქროსფერი 2018 წლის ყველაზე ხშირად გამოყენებადი ელემენტი იყო , თუმცა 2019 წელს იგი სპილენძისფერმა ჩაანაცვლა .
მდიდრული ფერები
ჩამქვრალი ფერები დაგეხმარებათ თავიდან აიცილოთ სივრცის გადატვირთვა , დიზაინერების აზრით , წელს , სწორედ ასეთ ფერების მიენიჭებათ უპირატესობა , დრამატული წითელი , მუქი ბაცი ვარდისფერი , ჩამქვრალი ყვითელი , ორგანული მწვანე – 2019 წლის ფერებია .
ბრინჯაოსფერი დეკორი
2019 უჟანგავ ფოლადსა და პრიალა ნიკელს ემშვიდობება , და შემოდის ბრინჯაოსფერი აქცენტები .
შავ-თეთრი დეკორი
ნამდვილად მუდმივი და ურყევი ტრენდი . შავ-თეთრი ავეჯი წელსაც ტენდენციურია , ამ ორი ფერის ვიზუალური კონტრასტი ქმნის სიზუსტისა და ბალანსის შტაბეჭდილებას .
Millennial pink ( ბეჟი ვარდისფერი )
2018 წლის ამ ტენდენციამ არც წელს დაგვტოვა და ისევ დიდ ყურადღებას იქცევს როგორც მოდაში , ასევე დიზაინში .
წითელი
გასულ წლებში ჩვენ ვხედავდით დიზაინერებს , რომლებიც იყენებდნენ გრილ და არაგამაღიზიანებელ ფერებს , როგორიცაა ცისფერი და მწვანე . მყვირალა წითელი დიდი ხანია არ გამოჩენილა ასე აქტიურად ინტერიერში როგორც წელს , ეს ფერი თქვენს სახლს კიდევ უფრ მიმზიდველს გახდის .
გეომეტრიული შტრიხები
ეს სიახლე არ არის დიზაინში , მისი გამოყენება ქსოვილებზე , აბაზანებში თქვენს ინტერიერს მეტად შესამჩნევს გახდის .
ვინტაჟური სანათები
ვინტაჟური სანათები დიდი ხანია არ გამოჩენილა ასეთი სიხშირით დიზაინერების ნამუშევრებში
Bucket sinks
ასევე ცნობილი როგორც though sinks , მსგავსი ვინტაჟური ნიჟარები წელს აქტიურად ამოიყენება და იგი შთაგონებულია ფერმერტა სახლებით .
დამწვარი ყვითელი
ყვითელი ბედნიერების ფერია და თავდაჯერებულობას უსვამს ხაზს , ყვითელი აქცენტები წლებია გამოიყენება ინტერიერში , 2017 წლიდან უფრო და უფრო აქტიურდება ეს ფერი , წელს კი , მწვანესთან ერთად ლიდერობს .
70’s chic
2019 წელს ბევრი სიძველე დაბრუნდა , ისევე როგორც ხავერდი და გეომეტრიული ქსოვილები , 70იანების ერა 2019 წელს ცოცხლდება ინტერიერში , თბილი ფერები , რბილი ქსოვილები და აბსტრაქტული სილუეტები კვლავ მოდურია და ის თქვენს სახლში ინდივიდუალურობას შემოიტანს.
Agate wallpaper
აგატისფერი შპალერები 2018 წლის შემდეგაც დარჩა და 2019 წლის ტენდენციად იქცა , იგი გამოაცოცხლებს თქვენს ინტერიერს
2019 წელს გლუვი ზედაპირები , ბაცი და ჩამქვრალი ფერები , ბალდახინიანი საწოლები და 70-80იანი წლებით ინსპირირებული ქსოვილები კვლავ აქტუალური ხდება . როგორც ხედავთ , მივიწყებული ელემენტებები ცოცხლდებიან და აქტიურად შემოდიან დიზაინერების ნამუშევრებში .
ტექსტი მოამზადა – ლინდა დევაძემ