იდეები ინტერიერის მოსაწყობათ

სკანდინავიური სტილი ინტერიერში

სკანდინავიური სტილი ერთ-ერთი პოპულარული სტილია რამდენიმე წელია , ასეთ ინტერიერებს შეხვდებით მთელს მსოფლიოში – საბერძნეთიდან არგენტინამდე , თუმცა ჩრდილოური კლიმატის მქონე ქვეყნებში უფრო აქტუალურია .

სკანდინავიური სტილის წარმატება ნაციონალური და ინტერნაციონალურის გენიალურმა ნაზავმა განაპირობა . სტილის ესთეტიკა არ მიყვება ფინეთის , ნორვეგიის , შვეიცარიის ან დანიის კულტურასა და ისტორიას , ის განსაკუთრებული კლიმატური ზონითა და გეოგრაფიული მდებარეობითაა განპირობებული .

სკანდინავიურ ინტერიერებში გამოიყენება ამ რეგიონებისთვის დამახასიათებელი მასალები – პირველ რიგში კი ხე , ნებისმიერი სახით .

მსოფლიოში გავრცელებულმა ტენდენციებმა ეკოლოგიასთან დაკავშირებით სკანდინავიური სტილის პოპულარობას ხელი შეუწყო , თუმცა ამას უკუეფექტიც მოყვა , რადგან დიზაინერებმა დაიწყეს ინტერიერების კოპირება .

სკანდინავიურ სტილში შეხვდებით ფერების საინტერესო გადაწყვეტას , მრავალფეროვან ფაქტურებს , საინტერესო ელემენტებს – მაგალითად , ხის ტოტს საკიდის ფუნქციით , ან ხის კუნძს საწოლის ტუმბოს ადგილზე და ა.შ.

skandinaviuri stili interiershi

აქედან გამომდინარე , სკანდინავიური სტილი მთლიანად უარყოფს კლასიკურ ავეჯს როკოკოს ან ბაროკოს სტილში .

თეთრი ფერის კედლები სკანდინავიური სტილის ერთ-ერთი მთავარი ნაწილია . იგი კრავს ინტერიერს , ერთ მთლიანობად აქცევს და უზრუნველყოფს კარგ განათებას (მზის სხივების არეკლვით ) , რაც ჩრდილოეთის ქვეყნებს ნამდვილად ჭირდება .

სკანდინავიური სტილი დიდი ფანჯრების გარეშე წარმოუდგენელია . სტილი ნეიტრალური ფერებით გამოირჩევა  და 2ზე მეტი მკვეთრი ფერის გამოყენება არაა მიზანშეწონილი , ამ შემთხვევაშიც ფერებით მხოლოდ პატარა აქცენტების გაკეთებაა უკეთესი .

skandinaviuri stili interiershi

ჩრდილოეთის ცივი ამინდების დაბალანსება სკანდინავიურ ინტერიერებში ტექსტილის მრავალფეროვნებით ხდება , ნაქსოვი გადასაფარებლები , სქელი ხალიჩები , ბეწვის ქსოვილები და ნაჭრის პუფები მყუდროებისა და სითბოს შთაბეჭდილებას ქმნიან .

სჯანდინავიური სტილის ერთ-ერთი პლუსი ისაა , რომ მსგავსი ინტერიერის შექმნა თქვენ თვითონაც შეგიძლიათ , თანაც საკმაოდ დაბალი ბიუჯეტით .

რჩევები სკანდინავიური სტილის ინტერიერის მოსაწყობად :

1 . გამოიყენეთ ხის ისეთი ფაქტურა , რომ რაც შეიძლება ბუნებრივი იყოს . მიზანშეწონილია მთელს სახლში ერთნაირი იატაკის მოსაპირკეთებელი მასალის გამოყენება ( სამზარეულოსა და აბაზანის გარდა ) .

2 . კედლები შეღებეთ თეთრად ან ღია ნაცრისფრად .

3 . გამოიყენეთ თანამედროვე ავეჯი და ვინტაჟური ნივთები .

4 . აუცილებლად შეიტანეთ ინტერიერში სეზონური ნივთები , თუმცა ეცადეთ , მათ მხოლოდ დეკორატიური დატვირთვა არ ჰქონდეთ და გამოიყენოთ რაიმე დანიშნულებით .

5 . ქსოვილების მრავალფეროვნება დაგეხმარებათ ინტერიერში სითბო და მყუდროება შეიტანოთ .

skandinaviuri stili interiershi
skandinaviuri stili interiershi
skandinaviuri stili interiershi
skandinaviuri stili interiershi
skandinaviuri stili interiershi

ტექსტი მოამზადა -ლინდა დევაძემ