თანამედროვე მუქი ინტერიერი
მუქი ფერების მოყვარულებს აუცილებლად მოეწონებათ სტატიაში ნაჩვენები აპარტამენტის ინტერიერი . მუქი ფერებითა და დახვეწილი ავეჯით , სწორი ხაზებითა და სასიამოვნო განათებით შექმნილი სიმყუდროვე აუცილებლად მიიპყრობს ყურადღებას . აპარტამენტის ვიზუალიზაცია და ინტერიერი რაფალ ჰანსკის ეკუთვნის .
![interieri muqi ferebit](http://aid.ge/wp-content/uploads/2020/05/tanamedrove-muqi-interieri-2.jpg)
აპარტამენტი დახვეწილი , შავი , ნაცრისფერი და სპილენძისფერის ტანდემითა და თვალისმომჭრელი ხაზებითაა შექმნილი . საერთო ოთახი L – ის ფორმისაა . დივანი შავი უსწორმასწორო ფილებით მოპირკეთებული კედლის პირდაპირ დგას . თვალში მოგხვდებათ მაგიდის თავზე დაკიდებული ორი დიდი სანათი , რომლებიც შეიძლება ოთახის მთავარ წერტილად ჩაითვალოს .
![interieri muqi ferebit](http://aid.ge/wp-content/uploads/2020/05/tanamedrove-muqi-interieri-3.jpg)
ფარდების ჩამოფარების შემდეგ ოთახი ბნელდება და მხოლოდ ინტერიერის გამორჩეული ნაწილები თბილი განათებით ნათდება , დივანის წინ არსებული დიდი ეკრანი კომფორტულ , მყუდრო და ოჯახურ გარემოს ქმნის ინტერიერში და ილუმინაციის კიდევ ერთი წყაროს ფუნქციასაც ასრულებს .
![interieri muqi ferebit](http://aid.ge/wp-content/uploads/2020/05/tanamedrove-muqi-interieri-4.jpg)
სამზარეულოს ზონაში გამოყენებულია გლუვი მუქი ნაცრისფერი ზედაპირები, კედლებს თავისივე ფერის მოლდინგები გამორჩეულს ხდის . სპილენძისფერი სახელურები , ონკანი და მცენარეების დაკიდებული სადგამი აცოცხლებენ ავეჯს , მარმარილოს ზედაპირი კი მდიდრულობას სძენს გარემოს .
![interieri muqi ferebit](http://aid.ge/wp-content/uploads/2020/05/tanamedrove-muqi-interieri-5.jpg)
საძინებელ ოთახში შავი , ნაცრისფფერი და ბეჟი ფერებია . შავი ხის პანელები მრგვალი დაკიდებული სანათებითაა განათებული , ყურადღებას იქცევს სპილენძისფერი ტორშერი . საძნებლის ინტერიერი ჰარმონიაშია საერთო ოტახთან ფერებითა და გამოყენებული მასალებით .
![interieri muqi ferebit](http://aid.ge/wp-content/uploads/2020/05/tanamedrove-muqi-interieri-6.jpg)
![interieri muqi ferebit](http://aid.ge/wp-content/uploads/2020/05/tanamedrove-muqi-interieri-7.jpg)
![interieri muqi ferebit](http://aid.ge/wp-content/uploads/2020/05/tanamedrove-muqi-interieri-8.jpg)
![interieri muqi ferebit](http://aid.ge/wp-content/uploads/2020/05/tanamedrove-muqi-interieri-9.jpg)
![](http://aid.ge/wp-content/uploads/2020/05/tanamedrove-muqi-interieri-2-1.jpg)
ტექსტი მოამზადა – ლინდა დევაძემ