სახლი სახურავზე
სახლი სახურავზე
WARchitect – მა დააპროექტა თანამედროვე ხის სახლი კორპუსის სახურავზე ბანგკოკში .
თავდაპირველად , სახურავი მხოლოდ წყლის რეზერვუარების შესანახად გამოიყენებოდა და მასზე ბევრი თავისუფალი სივრცე იყო , ამიტომაც შენობის მფლობელმა თავისთვის პატარა სახლის აშენება გადაწყვიტა .
შენობასა და მასზე არსებულ სახლს შორის ვიზუალური კონტრასტი რომ არ ყოფილიყო , სახლი სახურავის შუაგულში აშენდა და ირგვლივ თავისუფალი სივრცე დარჩა , ამიტომ , როდესაც შენობას ქვემოდან შეხედავთ , შესაძლოა ვერც კი დაინახოთ რომ მასზე საერთოდ რამეა განთავსებული .
ხის სახლში გამოყენებულია დიდი ვიტრაჟები . მასში გახსნილი საერთო სივრცე , სასადილო ოთახი , სამზარეულო , ორი საძინებელი და სამი სააბაზანოა .
კედლები , იატაკები და ჭერები ხითაა მოპირკეთებული და იდეალურად ერწყმის ექსტერიერს . დიდი ღიობები შლის ზღვარს გარესამყაროსა და ინტერიერს შორის .
მიუხედავად იმისა , რომ სახლი შენობის სახურავზეა აშენებული , მას საკმაოდ დიდი ვერანდა აქვს , რომელიც ეზოს ფუნქციასაც ითავსებს თავისი ზომის გამო .
ტექსტი მოამზადა – ლინდა დევაძემ