მიკრო ლოფტი

მიკრო ლოფტი

ეს ბინა მოსკოვში მდებარეობს და სულ რაღაც 27 კვადრატულ მეტრს მოიცავს . შენობა რევიტალიზაციამდე ფაბრიკა იყო , მისგან ორიგინალური აგურის კედლები და სხვა ინდუსტრიული ელემენტები შემორჩა .

ახლა ეს კომპლექსი თანამედროვე ლოფტ -აპარტამენტებს წარმოადგენს ძალიან მაღალი ჭერებითა და დიდი ვიტრაჟებით .


სწორედ ჭერის სიმაღლის გამო მოხერხდა საცხოვრებელში ანტრესოლის მოწყობა , ხოლო კიბე , რომელიც საერთო ოთახსა და ანტრესოლში არსებულ საძინებელს აკავშირებს ერთმანეთთან , ინტერიერის მნიშვნელოვან ელემენტად იქცა .

 საინტერესოდ გამოიყურება სრულიად თეთრი ავეჯი , რაც ძველი აგურის კედლებისა და ძველი ვიზუალით დატოვებული ჭერების ფონზე კონტრასტულია .


გამოყენებული ავეჯიც მონოქრომულია , რაც ძველი ფაბრიკისგან შემორჩენილ კედლებსა და ჭერებს საშუალებას აძლევს თვალშისაცემი იყოს .


ეს პროექტი რევიტალიზაციის ძალიან კარგი მაგალითია .
( რევიტალიზაცია ნიშნავს თავის დროზე მსხვილი და საშუალო ინდუსტრიული ობიექტების , რომლებმაც თავიანთი ფუნქცია ამოწურეს , განახლებას , მათთვის პროფილის შეცვლას და სასარგებლო ბიზნეს თუ საცხოვრებელი მიზნებით გამოყენებას )

ტექსტი მოამზადა – ლინდა დევაძემ