იუჰ მინ პეი

იუჰ მინ პეი ( Ieoh Ming Pei , ჩინ . : 貝聿銘 ; * 26 აპრილი , 1917 ) , საყოველთაოდ ცნობილი ინიციალებით ი . მ. პეი , პრიცკერის პრემიის ლაურეატი არქიტექტორი , მაღალი მოდერნიზმის არქიტექტურის ბოლო ხელოვანი . მუშაობს აბსტრაქტული ფორმით , ქვის , ბეტონის , მინისა და ფოლადის გამოყენებით . პეი საყოველთაოდ აღიარებულია , როგორც XX საუნუნის ერთ-ერთი ყველაზე წარმატებული არქიტექტორი .

იუჰ მინ პეის ერთ-ერთი ცნობილი და  საინტერესო ნამუშევარია ლუვრის პირამიდა,  რომელიც მიუმატეს ლუვრის მუზეუმს თანამედროვე ელემენტის სახით და შესასვლელის ფუნქციას ასრულებს. მას თავიდან დიდი კრიტიკით შეხვდა საზოგადოება , თუმცა შემდეგ აღიარეს და დღეს დიდ მოწონებას იმსახურებს . მიუხედავად კრიტიკისა , ფაქტია რომ დღეს ლუვრს ბევრად მეტი სტუმარი ჰყავს , ვიდრე მანამდე . მუზეუმის დირექტორის მისიაც ეს იყო , რომ მხოლოდ ჯოკონდასთვის მისული ტურისტებისთვის უფრო მეტი ეჩვენებინა.

მიუხედავად ლუვრის მუზეუმისა და შუშის პირამიდის ანტიპოდური ვიზუალისა , როდესაც მათ ერთად ვნახავთ ღამის განათებით , ისინი საოცრად ერწყმიან ერთმანეთს .     

                     

პეის ოსტატურობა პირამიდის კომპოზიციურ სიზუსტეში ( მუზეუმის მიმართ ) გამოიხატა . ისინი ქმნიან ერთ  მთლიანიბას და  ეს არის ერთ – ერთი ძალიან კარგი მაგალითი იმისა , რომ ახლის არსებობა არ გამორიცხავს , არ უარყოფს და ამახინჯებს ისტორიულ ნაგებობას , თუ ყველაფერი გემოვნებითაა შესრულებული .

 პეის კიდევ ერთი ძალიან საინტერესო და წარმატებული პროექტი OCBC ცენტრია – 52 სართულიანი ბრუტალისტური ნაგებობა სინგაპურში . ეს სამ ტოლ ნაწილად დაყოფილი შენობა , რომლის დანახვისასაც გაგიჩნდებათ სიძლიერის , სტაბილურობისა და სიზუსტის განცდა , ბრუტალიზმისა და მინიმალიზმის საუკეთესო ნიმუშია . 

შემდეგი ნამუშევარი – the gateway სინგაპურში. 37სართულიანი 150 მ სიმაღლის დახვეწილი და კომპოზიციურად ძალიან ზუსტი შენობა . იგი შედგება ორი რომბის ფორმის იდენტური შენობისაგან . თუ დაააკვირდებით , პეის შენობების ერთი ფასადი არის ძალიან განსაკუთრებული და სწორედ ეს ფასადები ქმნის იდეალურობისა და სიზუსტის განცდას .

  მათი ერთი ფასადი გაშლილ ფრთებს გავს . მისი მკვეთრად მოჭრილი კუთხეები ხაზს უსვამს იდეალურ ფორმებს . ეს ორგანზომილებიანი კარიბჭე ქმნის ერთ მთლიანობას .

პეის გამორჩეულ ნამუშევრებში ასევე შედის ატმოსფერული კვლევის ეროვნული ცენტრი, ლუსის მემორიალური კაპელა, მწვანე შენობა და ა.შ, თუმცა სტატიაში პეის მიერ შესრულებული  გარდამტეხი ნამუშევრებია წარმოდგენილი

ტექსტი მოამზადა – ლინდა დევაძემ