სახლი კოსტა რიკაში
სახლი კოსტა რიკაში
Formafatal – ის არქიტექტორმა დაგმარ სტეფანოვამ კოსტა რიკაში ეს უნიკალური სახლი შექმნა .
შენობა თავისი გამწვანებული სახურავით ერწყმის კოსტა რიკის ჯუნგლებს . მის გარე მოსაპირკეთებელ მასალად გამომწვარი ხის მერქანი გამოიყენეს , სახლის მეპატრონეებს არ სურდათ ფანჯრების გამოყენება , ამიტომ შენობა მთლიანად შავი პანელებითაა მოპირკეთებული და თითქმის შეუმჩნეველია მწვანე სახურავის გამო .
თუმცა სახლის მეორე ფასადზე , რომელიც 26 მეტრი სიგრძისაა , გამოყენებულია მეტალის პანელები , რომლებსაც ნახვრეტები აქვს და ჩრდილებით საინტერესო გარემო იქმნება დღის განმავლობაში . ასევე შესაძლებელია მათი აწევა და სახლის მთლიანად გახსნა .
სახლის ინტერიერში გამოყენებულია ბუნებრივი მასალები და ფერები .
საცხოვრებლის ერთ-ერთ საინტერესო ნაწილს მთავარი საძინებელი წარმოადგენს , რომელიც მთლიანად შუშის კედლებითაა შემოსაზღვრული .
ინტერიერის ზონირებისთვის გამოიყენეს ფერადი შირმები , დაკეცილ მდგომარეობაში უბრალოდ ნახატები გეგონებათ , თუმცა სურვილის შემთხვევაში შესაძლებელია სივრცეების მთლიანად გამოყოფა .
ტექსტი მოამზადა – ლინდა დევაძემ